Lalə Məmmədova

Lalə Rafiq qızı Məmmədova Sumqayıtda anadan olub. Azərbaycan Dövlət İncəsənət Universitetinin musiqili teatr aktyorluğu fakültəsində təhsil alıb (2001-2005, İlham Namiq Kamal və Azər Zeynalovun kursu). Abdulla Şaiq adına Dövlət Kukla Teatrında yüksək dərəcəli aktyor kimi çalışıb (2002-2007). Bakı Uşaq Teatrının aktrisası olub. “Sizin saat” tamaşasının həm də dizayner rəssamı və modelyeri olub. “Cırtdan uşaq kinozalı” TV verilişində (2003-2007, AzTV), klip və reklam çarxlarında çəkilib. Xarici film istehsalçılarının “Ayrılıq” (2009, rejissor Onur Tan / Türkiyə) serialında çəkilib. Müxtəlif Yeni il və Novruz bayramı tədbirlərində Qar qız və Bahar qız rollarını ifa edib. Hazırda Türkiyədə yaşayır.